MC Networking

Takimi Kurti e Mustafa/ S’ka marrëveshje

Ka përfunduar takimi në mes të liderëve të LDK-së e VV-së mirëpo, nuk është arritur marrëveshje për koalicion, shkruajnë mediat në Kosovë.

Pas takimit ka folur para mediave lideri i VV-së, Albin Kurti derisa i njëjti deklaroi se do të vazhdojë të qëndrojë në kontakt me të parin e LDK-së, Isa Mustafën.

“Kur ta kemi marrëveshjen e plotë do të mund ta shpalosim gjerë e gjatë, përfundon takimi i sotëm dhe unë jam në kontakt të drejtpërdrejtë me kryetarin e LDK-së që ta përcaktojmë takimin e radhës sa i përket ditës dhe orës që të vazhdojmë më tutje drejt marrëveshjes”, ka shtuar ai.

Lideri i LDK-së, Isa Mustafa pas takimit me Kurtin tha se patën një takim përmbajtjesore, mirëpo, që nuk u dakorduan në disa çështje. Ai konfirmoi se me VV-në kanë dallime.

“Ne patëm një bisedë mjaft përmbajtjesorë sepse pa biseda të tilla është e vështirë që të arrihet një bashkëpunim i ardhshëm i qëndrueshëm katër vjeçar natyrisht se ne kemi pasur pajtueshmëri sa i përket programit qeverisës, kemi edhe çështje të tjera që i kemi diskutuar sot për të cilat do të punojmë për të arritur përafrim, sot nuk ka marrëveshje për koalicion ka marrëveshje që të punojmë e të hulumtojmë rrugë që të përafrohemi qëndrimet tona. Dallimet tona do të jua tregojmë kur të jua përafrojmë”, ka thënë ai.

Kosovë, pritet nënshkrimi i marrëveshjes Vetëvendosje-LDK

11.26h-Vetëvendosje dhe LDK pritet të nënshkruajnë sot marrëveshjen për koalicion.

Edhe pse ende zyrtarisht nuk ka detaje për ndarjen e ministrive, postin e presidentit dhe kryetarit të parlamentit të Kosovës, sipas mediave harmonizimi i programit qeverisës ka përfunduar.

Në takimin e mbajtur të shtunën mes Isa Mustafës dhe Albin Kurtit është rënë dakord për një kabinet me 12 ministri.

Ndër këto, pritet që pesë ministri t’i takojnë Lëvizjes Vetëvendosje, pesë Lidhjes Demokratike të Kosovës, një minoritetit serb dhe një për minoritet e tjera.

 

  • Comments

0 Comments:

Scroll to Top