MC Networking

Krimet e Rënda shtyjnë seancën për grupin e Habilajve (VIDEO)

Pas dështimit të seancës së parë për shkak të mos njoftimit të të pandehurve, gjykata për Krime të Rënda ka nisur gjykimin e grupit të Habilajve. Prej dy vitesh, Habilaj dhe një pjesë e grupit të tij, janë në arrest në burg në Itali dhe janë duke u gjykuar për të njëjtat vepra penale, ndërsa Krimet e Rënda kanë bërë njoftimet në Vlorë, duke angazhuar policinë e rrethit. 

Më tej, gjykata ka kërkuar edhe ndihmën e Interpol, por ende nuk ka marrë asnjë përgjigje deri më tani. Në këto kushte, deri në njoftimin zyrtar të të pandehurve, gjykata shtyu seancën për në datën 30 prill. 

Në Shqipëri, i vetmi nga grupi është Armand Koçerri, i cili u arrestua së bashku me Nazer Seitin. Ky i fundit u ekstradua disa muaj më parë në Itali, ku edhe është duke u gjykuar. 

Prokuroria akuzon 9 të pandehurit se në kuadër të grupit të strukturuar kriminal, kanë nisur tonelata drogë drejt Italisë. 

Kujtojmë se nga përgjimet për këtë grup, ka dalë edhe emri i ish-Ministrit Saimir Tahiri, i cili është marrë i pandehur për përkrahjen e grupit të Habilajve, i drejtuar nga kushërinjt e tij Moisi dhe Artan Habilaj.

  • Comments

0 Comments:

Scroll to Top